Хятадын төв радио телевиз 2022 оны улсын дотоод дахь спортын топ 10 үйл явдлыг нэрлэжээ. 

Бээжингийн өвлийн олимп, өвлийн паралимп амжилттай болж өнгөрсөн. Хятадын спортын төлөөлөгчид өвлийн олимп, өвлийн паралимпийн түүхэн дэх хамгийн сайн үр дүнг бий болгосон.

 Хятадын эмэгтэй хөлбөмбөгийн баг 16 жилийн дараа дахин Азийн аварга боллоо.

Хятадын эрэгтэй гимнастикийн баг дэлхийн аваргаас алтан медаль хүртэж, Парисын олимпт оролцох эрхээ авлаа.

Ширээний теннисний дэлхийн аварга шалгаруулах 56 дахь удаагийн багийн тэмцээн Чэндү хотод болж, эрэгтэй, эмэгтэй багийн аварга шалгаруулах тэмцээнд Хятадын баг түрүүлэв.

Ван Жиа Нань хөнгөн атлетикийн дэлхийн аварга шалгаруулах тэмцээний эрэгтэйчүүдийн уртын харайлтын төрөлд алтан медаль хүртэж, Хятадын анхны дэлхийн аварга боллоо.

Ли Бинжиэ эмэгтэйчүүдийн 400 метрийн чөлөөт богино сэлэлтийн дэлхийн дээд амжилтыг 3:51.30 секундээр шинэчилжээ. 

Эрэгтэйчүүдийн 61 кг-ын жинд Токиогийн олимпийн аварга, БНХАУ-ын тамирчин Ли Фабинь137 кг-ын өргөлт, 175 кг-ын түлхэлт, 312 кг-ын өргөлтийн нийлбэр дүнгээр уг спортын төрөлд гурван алтан медаль хүртэж, түлхэлтийн дэлхийн рекордыг эвдэв.

Хятадын баг тамирчид FINA-гийн дэлхийн аварга шалгаруулах тэмцээнээс 18 алтан медаль хүртэж, алтан медалийн жагсаалтыг тэргүүлсэн бол, Хятадын шумбалтын баг тамирчид 13 алтан медалийг бүгдийг нь хүртэж, Хятадын синхрон сэлэлтийн баг түүхэн дэх хамгийн сайн амжилтыг үзүүлсэн байна.

Хятадын эрэгтэй волейболын шигшээ баг арван жил завсарласны дараа Азийн цомын аваргаар дахин шалгарлаа.

Хятадын төв радио телевиз "Олимпийн алтан бөгж"-ийн таван төрлийн шагнал хүртэж, 2024 оны Парисын олимпийн шууд дамжуулалтыг хариуцан ажиллах гэрээ байгуулав.