Халдварт өвчинтэй тэмцсэн Хятад улсын туршлага, үр дүн
2023-01-08 17:02:02
Share
Share this with Close
youtube WeChat

Цар тахал дэгдсэн гурван жил гаруйн хугацаанд Хятадын төр засгийн хувьд хорьж битүүмжлэх нь тахал өвчнийг дарах эцсийн шийдэл биш байсаар ирсэн. Вирусийн эсрэг хэрхэн тэмцэж, олон нийтэд үзүүлэх аюулыг багасгах нь Хятадын засгийн газрын зорилго юм. Цар тахал дэгдсэний дараа Хятад улс вирусийн анхны бүрэн геномын дарааллыг олон улстай хуваалцаж, вакцин судалж бүтээж эхэлсэн. 2020 оны 4-р сард Хятадын аденовирусийн вектор рекомбинант вакцин эмнэл зүйн туршилтын хоёр дахь шатанд орсон. Энэ бол КОВИД-19-ийн эсрэг эмнэл зүйн туршилтын хоёр дахь шатанд орсон дэлхийн анхны вакцин юм. 2020 оны 12-р сарын 31-нд КОВИД-19-ийн эсрэг Хятад улсын анхны вакциныг зах зээлд нэвтрүүлсэн бол 2022 оны арван хоёрдугаар сарын байдлаар Хятад улс 3.46 тэрбум гаруй тун вакцин тарьж, вакцинжуулалт 90%-иас давсан юм.

Өнгөрсөн гурван жилийн хугацаанд Хятад улс ард иргэдийнхээ амь насыг хамгаалж, нийгэм, эдийн засгийн хөгжлөө баталгаажуулахын тулд бодит байдалд идэвхтэй үнэлэлт дүгнэлт хийж, халдварт өвчнөөс урьдчилан сэргийлэх бодлогыг шуурхай зохицуулж ирсэн юм. 

Халдварт өвчнөөс урьдчилан сэргийлэх, эдийн засгийн хөгжлийг цогцоор нь зохицуулсан нь... 

Гурван жилийн турш КОВИД-19-ийн тархалт дэлхийн хэмжээнд олон салбарыг доголдолд оруулсан юм. ДЭМБ-ын мэдээлснээр тахал өвчнөөс өмнө аялал жуулчлал дэлхийн эдийн засагт 3.5 их наяд долларын үүрэг гүйцэтгэдэг байсан бол 2020 онд энэ тоо 1.6 их наяд доллар болон буурчээ. Олон улсын валютын сангийн гүйцэтгэх захирал Кристалина Георгиева 2020 оны эцэс гэхэд улс орнуудын эдийн засгийн 90 хувь нь оны эхэн үеийнхээсээ буурна, 2020, 2021 онд дэлхийн ДНБ-ий хэмжээ 12 их наяд ам долларын алдагдалтай гарна гэж байсан юм. 

Тэгвэл Хятадын засгийн газар тахал өвчнөөс урьдчилан сэргийлэх, эдийн засгийн хөгжлийг иж бүрэн зохицуулж, эдийн засгийн тогтвортой байдал, хөгжлийг баталгаажуулсан. 2020 онд Хятадын ДНБ 2.3%-иар өсөж, 100 их наяд юанийг давж, тухайн жилдээ өсөлттэй гарсан цорын ганц томоохон эдийн засаг болсон. 2021 онд Хятадын ДНБ 8.4%-иар өсөж, сүүлийн 10 жилийн хамгийн хурдацтай өсөлтийг биелүүлсэн нь Олон улсын валютын сангийн урьдчилсан төсөөлөл болон Хятадын засгийн газрын зорилтоос давсан байна. Дижитал эдийн засаг нь ДНБ-ий 40 орчим хувийг бүрдүүлж, 2022 оны 1-ээс 11-р сарын байдлаар, Хятадын онлайн жижиглэнгийн худалдааны хэмжээ өнгөрсөн оны мөн үеийнхээс 4.2%-иар өсөж, Хятадын эдийн засгийн нийт хэмжээ 120 их наяд юанийг давах төлөвтэй байна. 

Ирээдүйд...  

Хятад улс 1.4 тэрбум хүн амтайгаас 60-аас дээш насных нь  260 сая гаруй байдаг бөгөөд КОВИД-19-ийн эсрэг хамгийн эмзэг бүлэг юм. Ахмад настнуудыг хамгаалах нь өнөөгийн тахал өвчинтэй тэмцэх гол зорилтуудын нэг. 2022 оны арван нэгдүгээр сарын 28-ны байдлаар вакцинд хамрагдаагүй 25 сая орчим өндөр настан байна. Үүнд чиглүүлж Хятад улс  вакцин тарих боломжгүй юм уу эсвэл тарихыг хүсэхгүй байгаа хүмүүст “сордог” вакциныг нэвтрүүлэх зэрэг шуурхай арга хэмжээ авсан байна. 

Колумбын их сургуулийн Дэлхийн хүрээлэнгийн Гамшгийн эсрэг үндэсний төвийн захирал Жефф Шлегелмилчийн хэлснээр КОВИД-ийн эсрэг тэмцэл бол "бүрэн хор хөнөөлгүй" байхын төлөөх тэмцээн биш, харин аль арга нь гарз хохирлыг хамгийн бага байлгаж чадахыг судалж хэрэгжүүлэх явдал болно... Сүүлийн үед Хятадын засгийн газар олон арга хэмжээ авч эмийн үнэ, нийлүүлэлтийг тогтворжуулах ажлыг эрчимжүүлж байна. Тухайлбал, Бээжинд Засгийн газраас 50 гаруй хүний бүрэлдэхүүнтэй хамтарсан ажлын хэсгийг таван том эмийн бөөний худалдааны аж ахуйн нэгжид томилон ажиллуулж, тахал өвчний эсрэг эмийн хомсдолыг зохицуулж байна. Хуарүнь эм бэлдмэлийн арилжаа худалдааны компанийн гаргасан мэдээллээс харахад тус компани долоо хоногийн дотор 300 эмнэлэг, хорооллын эмчилгээний 2200 гаруй төв, 1500 гаруй эмийн санд тахлын эсрэг 3 сая хайрцаг эм нийлүүлсэн байна.