Ар хорчины хуримын гол онцлог нь бэрээ буулгахаар ирэхдээ хадмын талын зочид бэрийн төрхмийг нар зөв тойрон, агсаж ирсэн нум саадгаа гэр дээр тавьж ордог. Учир нь Ар хорчинчууд нь Чингисийн үеэс харууланхан гэж алдаршсан зартай харваачдын удам юм. Мөн монгол үндэстний уламжлал ёсоор эрдэм мэдлэг, ёс журмаа илтгэх үгийн наадам “Дайралцаан”-аар цэцэн мэргэнээ сорьж нэгнээ гартаахыг ихэд чухалчилдаг. Бас эндэхийн онцлог гэхээр нэг зүйл нь үлгэр холбоог хуурдан хайлдаг байна. Бусад зан үйл нь монгол ардын хуримын нийтлэг зүйлүүд байх бөгөөд нутгийнхаа дуу хуур, бүжиг наадмыг хурсан зочдод үзүүлж идээ ундаагаар элбэг дэлбэг зочлон дайлах ажээ.