9-р сарын 1-нд хэвлэгдсэн "Чюши" сэтгүүлийн 17 дахь дугаарт ХКН-ын төв хорооны Ерөнхий нарийн бичгийн дарга, Хятад улсын дарга, Цэргийн төв зөвлөлийн дарга Ши Жиньпиний чухал өгүүлэл болох "Ёс суртахуун, оюун ухаан, бие бялдар, гоо сайхан, хөдөлмөр зэргийг цогцоор нь хөгжүүлсэн социализмын бүтээн байгуулагч болон залгамжлагчдыг бий болгоно” гэснийг нийтлэв.

Уг нийтлэлд онцлохдоо, ямар шиг хүнийг сурган хүмүүжүүлэх нь боловсролын нэн тэргүүний асуудал юм. Хятад улс бол Хятадын Коммунист намаар удирдуулсан социалист орон, энэ нь манай боловсрол эрхбиш социалист бүтээн байгуулагчид болон залгамжлагчдыг төлөвшүүлэхийг үндсэн ажил үүргээ болгох ёстойг тодорхойлж байна, Хятадын Коммунист намын удирдлага болон Хятад улсын социалист тогтолцоог хамгаалсан үе үеийн залгамжлагчдыг төлөвшүүлж, Хятадын онцлогтой социализмын төлөө насан туршдаа тэмцэхээр зорилгоо болгосон тууштай, хэрэгтэй, чадварлаг боловсон хүчнийг бий болгоно. Бүх хүмүүсийг сурган хүмүүжүүлэх, бүхий л үйл явцад нь сургах, хүнийг бүх талаар сургах тогтолцоо, механизмыг сайжруулан төгөлдөржүүлэх шаардлагатай байж, социализмын бүтээн байгуулагч болон залгамжлагчдыг тасралтгүй төлөвшүүлэх хэрэгтэй. Энэ бол боловсролын ажлын үндсэн үүрэг, мөн ч боловсролын шинэчлэлийн чиглэл, зорилт юм гэжээ.

Уг нийтлэлд цохон тэмдэглэхдээ, боловсролын бичиг материалын бүтээн байгуулалтад анхаарах ёстой. Сурах бичиг бол мэдлэгийг түгээх гол тээвэрлэгч юм, тухайн улс, үндэстний үнэт зүйлсийн тогтолцоог харуулдаг, энэ нь багш нар заан сургах, сурагчид суралцах чухал хэрэглүүр юм. Сурах бичиг нь марксизмын чиг баримжааг дагаж мөрдөх ёстой бөгөөд Хятадын онцлогтой марксизмыг тусгасан байх ёстой, мөн ч Хятад болон Хятадын үндэстнүүдийн хэв маягийг тусгаж, нам болон улс орны боловсролын үндсэн шаардлагыг тусгаж, улс орон болон үндэстний үндсэн үнэт зүйлсийг тусгаж, хүн төрөлхтний соёл мэдлэг болон инновацийн ололт амжилтын хуримтлалыг тусгасан байх ёстой гэжээ.