Сэтгүүлч Хятадын Нисэхийн аж үйлдвэрийн корпорацаас мэдээлснээр, 8 дугаар сарын 30-нд, Хятад улсын бие даан судлан бүтээсэн газар болон уснаа явагч том оврын AG600 нисэх онгоц нь Иргэний нисэхийн газрын хянан баталгаажуулалтын анхны туршилтын нислэгийн төрөл болох агаарын хурдны тохируулгын туршилтын нислэгийг амжилттай биелүүлжээ. Туршилтын нислэгийг Шааньши муж дахь Пучэнгийн иргэний агаарын тээврийн нисэх онгоцны туршилтын нислэгийн үндэсний баазад хийжээ.

Агаарын хурд тохируулгын туршилтын нислэг нь AG600 загварын нисэх онгоцыг туршин шалгах гэрчилгээнд оруулсны дараах анхны туршилтын нислэгийн төрөл юм. Нислэгийн туршилтаар агаарын хурдны заалт, даралтын өндөр, температур, залуургын хэмжээ зэргийг тогтоож, нислэгт тэнцэх чадварын стандартыг шалгадаг. Хурд, өндөр зэрэг үзүүлэлтүүд нь олон системд шаардлагатай чухал орцууд бөгөөд шалгалт тохируулга нь хэмжилтийн нарийвчлалыг сайжруулж, алдааг багасгаж, нисгэгчдэд илүү үнэн зөв шийдвэр гаргах боломжийг олгодог. Энэхүү туршилтын нислэгээр хүрээлэн буй орчны агаар мандлын тоон өгөгдлийг үнэн зөв гаргаж боловсруулах боломжтой бөгөөд энэ нь нисэх онгоцыг жолоодох чадвар, тогтвортой байдлыг хангах, нисэх онгоцны гүйцэтгэлийг оновчтой болгох, хүрээлэн буй орчны өөрчлөлтөд дасан зохицоход чухал ач холбогдолтой байж, дараагийн нислэгийн аюулгүй, үр ашигтай ажиллагааг баталгаажуулдаг.