Фэн Жицай бол Хятад оронд маш алдартай зохиолч хүн бөгөөд уран зураач хүн юм. Сүүлийн жилүүдэд тэрээр Хятадын үндэстний ардын соёлыг хамгаалах ажилд бүх хүчнээрээ зүтгэж, " Хятадын ардын соёлын өвийг аврах төсөл" санаачлан эхлүүлсэн бөгөөд түүний энэхүү төсөл нь орчин үеийн нийгмийн үйл явцад устах дөхөж байгаа Хятадын ардын соёлын өвд бүх нийтийн байцаалт хийж, хамгаалах зорилт дэвшүүлсэнээр бүх нийгмийн анхаарлын төвд орж, Фэн Жицайг ч хүмүүс " Хятадын ардын соёлыг хамгаалагч" гэж хүндэтгэн нэрлэж байгаа юм.

     Фэн Жицай бол үндэстний ардын соёлдоо маш гүн зузаан хайр сэтгэлгээтэй хүн юм. Хятадын олонх хүн ардын нүдэнд Фэн Жицай бол маш их амжилт бүтээлтэй зохиолч, зурагчин төдийгүй нэн ч түүхэнд хайртай, бичиг дурсгалын зүйлийг халуун сэтгэлээр хамгаалж ирсэн эрдэмтэн хүн болох юм.

     Фэн Жицай 1942 онд Хятадын умард нутгийн Тянжин хотод төржээ. Тэр хархан багаасаа уран зураг, утга зохиол, хөгжим болон бөмбөгний төрлийн спортод дур сонирхолтой байсан юм. Фэн Жицай дээд дунд сургуулиа дүүргээд, нэг удаа сагсан бөмбөг тоглож байгаад хөлөө гэмтээсэнээр тамирчин болж чадаагүй, харин зурагчин болсон юм.