1. Бунд. Хуанпу голын эргийн Шанхай хотын хамгийн өндөр, түүхэн барилгуудтай гудам. Энэ гудмыг Шанхайн хамгийн алдартай нийтийн зугаалгын гудам ч гэдэг. Барилга байшингууд нь барууны эртний хотуудын барилгын хэв загварыг санагдуулам. Нэг талаар нь Хуанпу гол урсана. Голын цаад эргээр Дорнын сувд нэртэй Хятаддаа хамгийн өндөрт тооцогддог телевизийн цамхаг тэргүүтэн хотын орчин цагийн хөгжлийг харуулсан өндөр барилгууд сүндэрлэн харагдана. Ажлын өдрүүдээр өглөө эртхэн очвол хүн багатайгаас гадна тай чи дасгал хийж байгаа нутгийн хүмүүсийн дүр зургийг харах боломжтой юм билээ.