Дэлхийн яармаг нэн сайн үйлчилгээтэй болж байна

     Шанхайн дэлхийн яармаг 5-р сарын 1-ний өдөр албан ёсоор нээгдээд долоо хоног болж байна. Энэ хугацаанд энд их халуун өдөр, бороотой өдөр, зорчигч маш олон зэрэг шалгалтыг туулсан.7-ны өдрийн 11 цагийн байдлаар, дотоод гадаадын 1 сая жуулчид яармагтай танилцав. Шанхайн дэлхийн яармагийн ажил эрхэлсэн газрын хэвлэлийн суртал ухуулгын газрын орлогч дарга Ү Чаоян сурвалжлагчид хэлэхдээ, өнөө дэлхийн яармагийн зорчигчдын хэмжээ тогтуун, зохион байгуулагч болон үзэсгэлэнд оролцогч талууд үргэлжлэн жуулчдад баялаг агуулгатай арга хэмжээ зохиож, сайн сайхан үйлчилгээ хангах болно гэжээ.

     Дэлхийн яармагийн нээлт нь яг майн нэгний гурав хоногийн амралттай тохиосон болохоор, эхний өдөр болон дараа өдөр нь 200 мянга гаруй жуулчид орсон байна. 3-ны өдөр амралт дуусах дөхөж байсан болохоор хүний тоо ялимгүй багассан байна. 5-ний өдөр хэдийгээр бага бороо орсон ч 70 мянга гаруй хүн яармагтай танилцаж, 6-ны өдрөөс танилцах жуулчид багасаж, хүрээлэнгийн үйл ажиллагаа нэн боловсронгуй болсон гэж Ү Чаоян хэлсэн байна.

     Тэрээр цааш нь хэлэхдээ, " эхний долоо хоногийн байдлаас харахад уулын төлөвлөж байсантай үндсэндээ адил байна. Бүхий л яармагийн хүрээлэнгийн үйл ажиллагаа, хүрээлэнгийн гаднах зам харилцааны зохион байгуулалт зэрэг цөмөөрөө жуулчдын урсгалтай түргэн зохицсон байна. 6.7-ны үйл ажиллагааны байдлаас харахад , дэг журам нь улам эрчимжиж, үзэгчдийн үзэсгэлэнг сонирхоход ая тохитой байж, сэтгэл ханамжтай хэмжээ илд тод дээшилж, хүрээлэнгийн үйл ажиллагаа үйлчилгээ ихээхэн боловсронгуй болж байна" гэжээ.

     Дэлхийн яармагийн хүрээлэнд, хөгжлийн бэрхшээлтэй хүмүүс болон70 наснаас дээш өндөр настан дугаарлахгүй шууд орж танилцаж болно. Хүний урсгалыг шинжлэх ухаанчаар хэсэг бүлэг хуваан оруулахын төлөө, зохион байгуулагч тал бас ажилтан нараа зохион байгуулан тасалбар урьдчилан зарж байна. Шанхайд зөндөө бороотой болохоор, үзэсгэлэнгийн орд, үйлчилгээний цэгүүд, ресторанд борооны шүхэр бэлтгэж байгаа бөгөөд үүд хаалганд халтирахаас сэргийлэх олбог тавьсан байна.

     Энэ нэг долоо хоногт, маш олон ордон сонирхолтой агуулгаар ордон нээх ёслол болон ордны өдөрлөг зохион байгуулсан байна.

     Яармагийн хүрээлэн нээсэн нэг долоо хоногт, хүрээлэнгийн дотор өдөр болгон зуу шахам удаагийн уран сайхны тоглолт тоглож ирсэн нь ч олон орны соёлын уламжлал болон урлагийн онцлогийг бүрэн харуулсан байна. Оросын урлагийн чуулганы дарга Диана хэлэхдээ:

     "Бид олны анхаарлыг татахыг хүсэж байна, ийм тоглолтын хэлбэрээр, өөрийн орныхоо соёл, уламжлалыг харуулахыг хүсэж байна" гэжээ.

     Дэлхийн яармагийн хүрээлэнд, хүмүүс хүүхэд багачууд гэсэнгүй цөм өөрсдийн дур сонирхолтой зүйлийг сонирхож болох юм.

     Шанхайн дэлхийн яармагийн ажил эрхэлсэн газрын хэвлэлийн суртал ухуулгын газрын орлогч дарга Ү Чаоян хэлэхдээ, "Хожим олон орны ордны өдөрлөг, муж хотуудын долоо хоног, гайхамшигтай сайхан уран сайхны тоглолт, гол урианы чуулга уулзалт зэрэг олон арга хэмжээ зохиогдоно. Дэлхийн яармагийн бүх явцаас харахад, олон сайхан агуулгатай арга хэмжээг тэнцвэртэй зохицуулан зохион байгуулах болно" гэжээ. \ Пэрлаймаа орчуулав\