Хятадын ОУР-гийн мэдээ, Монгол улсад айлчилж байгаа Бүх Хятадын АТИХ-ын Байнгын хорооны дарга Ү Бангүө 31-ий өдөр Улаанбаатарт Монгол улсын Ерөнхийлөгч Цахиагийн Элбэгдорж, Ерөнхий сайд Норвийн Алтанхуяг нартай тус тус уулзалт хийв. Ү Бангүө хэлэхдээ, Монголын шинэ Засгийн газар Хятадтай харьцах харилцаагаа үргэлжлэн дипломат бодлогынхоо тэргүүн чухал чиглэл болгож байгааг Хятадын тал сайшааж байгаа бөгөөд Монголын талтай хамт хоёр орны стратегийн түншлэлийн харилцааг үргэлжлэн хөгжүүлэхэд бэлэн байна гэжээ.
Ерөнхийлөгч Ц. Элбэгдоржтой уулзах үе Ү Бангүө хэлэхдээ, Хятад Монгол хоёр орон бол уул усаараа залгалдсан чухал хөрш юм. Найрсаг хөрш байх нь хоёр орны зайлшгүй сонголт мөн. Одоогийн шинэ орчинд Хятад Монгол хоёр орны харилцааны шинэ байдлыг тасралгүй нээх, стратегийн өндөрлөгөөс хоёр орны харилцааны хөгжлийн их чиглэлийг бат сахиж, стратегийн харилцан итгэлцлийг тасралгүй нэмэгдүүлж, бие биенийхээ бүрэн эрх, аюулгүйн байдал, хөгжлийн ашиг сонирхол зэрэг чухал асуудал дээр харилцан ойлголцож, харилцан дэмжих нь нэн чухал юм гэжээ. Ү Бангүө хэлэхдээ, Хятад улс Монголын эдийн засгийн хөгжил, нийгмийн тогтвортой байдал, ард иргэдийн зол жаргалтай амьдралд өөдрөг сэтгэлтэй байгаа бөгөөд Монгол улсын тусгаар тогтнол, бүрэн эрх ба нутаг дэвсгэрийн бүрэн бүтэн байдлыг хүндэтгэж, Монголын ард түмний өөрийн сонгосон хөгжлийн зам болон дотоод гадаад бодлогыг хүндэтгэнэ гэжээ.
Цахиагийн Элбэгдорж хоёр орны найрсаг харилцаа болон олон салбар дахь ажил хэрэгч хамтын ажиллагааг идэвхтэй үнэлжээ. Тэрээр хэлэхдээ, Монголын тал нэг Хятад улс байх бодлогыг бат хэрэгжүүлж, Хятадын гол ашиг сонирхлыг ойлгон хүндэтгэнэ. Хоёр тал дээд давхаргын хэлхээ холбоотой байж, олон салбарын ажил хэрэгч хамтын ажиллагааг ахиулан, хүмүүнлэгийн солилцоог өргөтгөж, хоёр орны стратегийн түншийн харилцааны агуулгыг тасралтгүй баялагжуулахыг хүсэж байна гэжээ.
1 2 
Өдөр дутмын 
