ОХУ-ын Батлан хамгаалах яам энэ сарын 16-ны өдөр "Арми-2022" олон улсын цэргийн технологийн форумын үеэр "Сармат" тив алгасагч баллистик пуужин болон агаарын довтолгооноос хамгаалах С-500 пуужингийн системийг худалдан авах гэрээнд гарын үсэг зурав.
ТАСС агентлагийн мэдээлснээр, ОХУ-ын Батлан хамгаалахын орлогч сайд Алексей Криворучко ОХУ-ын Макеевын пуужин зохион бүтээх товчооны дарга, Оросын цэргийн "Даймонд-Антей" компанийн ерөнхий маркетингийн газрын орлогч дарга нартай худалдан авах гэрээнд гарын үсэг зуржээ. Уг тайланд гэрээний тодорхой агуулгыг дурдаагүй байна.
ОХУ-ын Батлан хамгаалахын сайд Сергей Шойгу энэ сарын эхээр хэлэхдээ, "Арми-2022" олон улсын цэргийн технологийн форумын үеэр ОХУ 522 тэрбум гаруй рубль буюу 8.66 тэрбум ам.доллартай тэнцэх хэмжээний өртөгтэй 36 гэрээнд гарын үсэг зурахаар төлөвлөж байна гэжээ