ОХУ-ын Батлан хамгаалахын сайд Сергей Шойгу АНУ-ын Батлан хамгаалахын сайд Ллойд Остинтой утсаар ярихдаа Украины байдал болон олон улсын аюулгүйн нөхцөл байдлын асуудлаар санал солилцсон талаар ОХУ-ын БХЯ энэ сарын 21-нд мэдээллээ.
Мөн үеэр, Ллойд Остин Орос-Украины мөргөлдөөний үед Америк Оросын харилцааны зам сувгийг нээлттэй байлгахын чухлыг онцолсон гэж Пентагон мэдэгдэв.
Энэ оны хоёрдугаар сард Орос Украинд тусгай цэргийн ажиллагаа явуулснаас хойш ОХУ, АНУ-ын батлан хамгаалахын сайд нар хоёр дахь удаагаа харилцаж байгаа нь энэ юм. Эхнийх нь 5-р сарын 13-нд болсон бөгөөд хоёр тал олон улсын халуун цэгүүд, тэр дундаа Украины нөхцөл байдлыг хэлэлцсэн байна.
Пентагон энэ сарын 21-ний өдөр мэдээлснээр, мөн өдөр Ллойд Остин Украины Батлан хамгаалахын сайд Олекси Резниковтай утсаар ярьсан байна.