Өчигдөр, 10-ны өдөр Ираны үндэсний газрын тосны компани болон тус улсын өөр дөрвөн компани Өмнөд Парсын байгалийн хийн ордыг нэмэгдүүлэх төслийн гэрээнд гарын үсэг зурав. Энэ гэрээ Ираны түүхэн дэх байгалийн хийн хамгийн том гэрээ болж байгаа бөгөөд 20 тэрбум ам доллар юм. Ираны Газрын тосны сайд Оги хэлэхдээ, гэрээ хэрэгжсэнээр Ираны байгалийн хийн үйлдвэрлэлийг 90 их наяд шоо фут (TCF)-ээр нэмэгдүүлж, конденсат олборлолтоо 2 тэрбум баррелиар нэмэгдүүлж, ойролцоогоор 900 тэрбум ам.долларын олборлолт хийнэ гэжээ.

Америк болон барууны бусад орнууд Ираны эсрэг хориг тавьж, манай эдийн засгийг хорлон сүйтгэх ажиллагаа явуулж байгаа ч Ираны нефтийн аж үйлдвэрийн хөгжлийг зогсоож чадахгүй. Ираны газрын тос, байгалийн хийн аж үйлдвэрийн эдийн засаг өсч, тоо баримт нэмэгдэх болно гэж Газрын тосны сайд Оги хэлсэн байна.

Иран бол дэлхийд хоёрт орох байгалийн хийн нөөцтэй бөгөөд өдөрт 1.07 тэрбум шоо метр байгалийн хий олборлож байна.