Энэ оны эхээр Alaska агаарын тээврийн компанийн Боинг онгоцны хаалганы залгуур, нисч явахдаа салж унасан хэргийг Америкийн Хууль зүйн яам шалгаж эхэлжээ. Мөрдөн байцаалт нь Боинг болон Хууль зүйн яам хооронд 2021 онд байгуулсан нэхэмжлэх хэлэлцээрийг хойшлуулж хэрэгжүүлэх явдалд нөлөөлж магадгүй гэж орон нутгийн хэвлэлд 9-ний өдөр мэдээлжээ. 

Нэгдүгээр сарын 5-ны өдөр Alaska агаарын тээврийн компанийн Боинг 737 MAX 9 онгоц хөөрсний дараахан осолдож, бүхээгийн хажуу талын хаалганы залгуур салж унасан. Шалгалтаар хаалгыг тогтоон барих ёстой дөрвөн боолт дутуу байсныг мөрдөн байцаагчид илрүүлжээ. Онгоцыг хоёрхон сарын өмнө Alaska агаарын тээврийн компанид хүлээлгэн өгсний дараа осол гарсан нь энэ юм.

Бойнг онгоцны хоёр том осол 2018, 2019 онд ойр ойрхон шил дараалж гарч байсан. 2018 оны аравдугаар сард Индонезийн Lion агаарын тээврийн компанийн онгоц, 2019 оны гуравдугаар сард Этиопын агаарын тээврийн компанийн Бойнг 737 MAX онгоцууд сүйрч, 346 хүн амь үрэгдсэн. 2021 оны нэгдүгээр сард Америкийн Хууль зүйн яам Боинг компанийн эсрэг хэрэг үүсгэж, нэхэмжлэх хэлэлцээрийн хугацааг хойшлуулах талаар тохиролцоонд хүрээд байсан юм. Боинг компани 2.5 тэрбум ам долларын торгууль төлж, нөхөн олговор олгохоор тохиролцож, яамнаас тавьсан шаардлагыг хэрэгжүүлж, сайжруулсан төлөвлөгөөний төлөө бүрэн хамтран ажиллана гэж амласан юм.