БНСУ-ын засгийн газар өнөөдөр, 4-ний өдөр төрийн зөвлөлийн хурлыг хуралдуулж, БНСУ болон БНАСАУ-ын хооронд байгуулсан "9 сарын 19-ний цэргийн хэлэлцээр"-ийн хүчин төгөлдөр байдлыг бүх талаар зогсоох тухай төслийг батлав. Түүний дараахан Өмнөд Солонгосын Ерөнхийлөгч Юн Сок Ёл мөн уг төсөлд гарын үсэг зурсан гэж Ёнхап агентлаг мөн өдөр мэдээлэв. 

Өмнөд Солонгосын Батлан хамгаалах яам 4-ний өдөр хэлэхдээ, Өмнөд Солонгосын арми хоёр Солонгос хоорондын цэргийн зааг шугам болон баруун хойд арлуудын ойр орчмын цэргийн бүх үйл ажиллагааг сэргээнэ гэжээ.

2018 оны 9-р сард, хоёр Солонгосын цэргийн тал “"Панмунжомын тунхаг"-ийг цэргийн салбарынхан хэрэгжүүлэх хэлэлцээр", тухайлбал "9 сарын 19-ний цэргийн хэлэлцээр"-т гарын үсэг зурсан. Энэхүү хэлэлцээр нь Солонгосын хойгт дайны аюул заналхийллийг арилгах, цэргийн бус бүсийг багтаасан бүх бүс нутгийн цэргийн дайсагнах байдлыг эцэслүүлэх, Солонгосын хойгийг “өнө батын энх тайвны бүс” болгон байгуулах зорилготой юм. Өнгөрсөн оны 11 сарын 22-нд Өмнөд Солонгосын Төрийн зөвлөл уг хэлэлцээрийн зарим заалтын хүчин төгөлдөр байдлыг зогсоох тухай төсөл баталсан юм.