Өнөөдөр, 5-ны үүрээр Энэтхэгийн сонгуулийн хорооноос зарласан Энэтхэгийн Парламентын доод танхим Лок Сабха-ийн 18 дахь сонгуулийн санал хураалтын дүн гарч, Эрх баригч Бхаратия Жаната намын тэргүүлдэг Үндэсний ардчилсан холбоо олонхийн суудал авч ялалт байгууллаа гэж өнөөдөр, 5-ны үүрээр Энэтхэгийн сонгуулийн хороо зарлав. 

Үндэсний ардчилсан холбоо парламентийн доод танхимд 295 суудал авсан байна. Үүнээс ерөнхий сайд Нарендра Модигийн тэргүүлдэг Бхаратия Жаната нам 240 суудал авсан байна. Энэтхэгийн үндэсний конгресс нам 99 суудал, Энэтхэгийн үндэсний хөгжил ба хүртээмжтэй холбоо 231 суудал авчээ.

Нарендра Моди Энэтхэгийн Уттар Прадеш мужийн Варанаси тойрогт ялалт байгуулж, парламентад сонгогдсон бөгөөд тэрээр ерөнхий сайдаар улиран сонгогдох магадлал ихтэй байна. Ингэснээр Энэтхэг улсыг үндэслэгч ерөнхий сайд Жавхарлал Неругийн адил гуравдахаа улиран сонгогдох боломжтой гэж олон нийт үзэж байна. 

Энэтхэгийн парламентийн сонгуулийн санал хураалт дөрөвдүгээр сарын 19-нд эхэлж, зургадугаар сарын 1-нд дууссан байна.