Туркийн Сангийн яам 28-ны өдөр мэдэгдэл гаргаж, мөнгө угаах болон терроризмыг санхүүжүүлэхийн эсрэг санхүүгийн үйл ажиллагааны тусгай ажлын хэсэг мөн өдөр Туркийг "саарал жагсаалт"-аас хасах шийдвэр гаргасныг сайшааж, энэ нь "Зөв чиглэлд алхам хийсний үр дүн" гэж үзэж байна."

Энэхүү шийдвэр нь Туркийн санхүүгийн системд итгэх иргэдийн итгэлийг улам нэмэгдүүлж, засгийн газрын эдийн засгийн төлөвлөгөөний зорилтод хүрэх хүчин чармайлтыг дэмжинэ гэж мэдэгдэлд дурджээ.

Мэдэгдэлд мөн Турк улс олон улсын стандартыг бүрэн дагаж мөрдөн, Сангийн яамны харьяа Санхүүгийн гэмт хэрэг мөрдөн шалгах товчоо зэрэг холбогдох байгууллагуудын удирдлага, техникийн чадавхийг цаашид дээшлүүлж, хууль тогтоомж, захиргааны журмуудыг цаг алдалгүй хэрэгжүүлэн, мөнгө угаах гэмт хэрэг, мөн терроризмыг санхүүжүүлэх үйл ажиллагаатай тууштай тэмцэнэ гэжээ. 

2021 оны 10-р сард Санхүүгийн үйл ажиллагааны тусгай ажлын хэсэг Туркийг "саарал жагсаалт"-д оруулсан юм.