Орон нутгийн цагаар 7-р сарын 22-нд НҮБ-ын Аюулгүйн зөвлөл Йемений нөхцөл байдлын талаар яаралтай хурал хийлээ. НҮБ-ын Улс төр, энхийг сахиулах асуудал эрхэлсэн Ерөнхий нарийн бичгийн даргын орлогч Розмари Дикарло, Ходейдагийн хэлэлцээрийг дэмжих НҮБ-ын төлөөлөгчийн газрын тэргүүн Майкл Бири нар мэдээлэл хийлээ. 

Розмари Дикарло хэлэхдээ, Йемений Ходейда хот болон Ливан, Израилийн түр хилийн бүсэд байдал түгшүүртэй болж, хурцадмал байдал ажиглагдаж байна. НҮБ-ын зуучлалаар 2022 онд байгуулсан гал зогсоох хэлэлцээрийн эмзэг үр дүн нь бүс нутгийн хурцадмал байдлаар солигдож байна. Ойрхи Дорнод дахь мөргөлдөөн улам өргөжиж буй нь бодит үнэн юм, талууд зайлсхийх ёстойг эдгээр үйл явдлууд харуулж байна. Газын зурвас хүмүүнлэгийн гал зогсоох хэлэлцээрийг нэн даруй хэрэгжүүлж, бүх хоригдлуудыг суллах ёстой гэжээ. 

Хятадаас НҮБ-д суугаа Байнгын төлөөлөгч Фү Цүн хэлэхдээ, энэ хурцадмал байдал нь Газын мөргөлдөөний үр дагавар хурдасч байгааг харуулж байна. Хятад улс үүнд гүнээ санаа зовж байгаа бөгөөд хурцадмал байдлыг цаашид хурцатгах, бүр хяналтаа алдахаас зайлсхийхийн тулд тайван, тэвчээртэй байхыг холбогдох талуудад уриалж байна гэжээ. 

Фү Цүн хэлэхдээ, Ойрхи Дорнодын асуудал бол маш нарийн төвөгтэй бөгөөд эмзэг байдаг. Хамгийн гол нь Палестины асуудал юм, үндсэн гарц нь "хоёр улсын шийдэл" юм. Израиль "хоёр улсын шийдэл"-ийн үндсийг эвдэж байгаад Хятад улс санаа зовниж байна. Олон улсын шүүх саяхан зөвлөх дүгнэлт гаргаж, Израиль Палестиныг эзлэн түрэмгийлсээр байгаа нь олон улсын хууль тогтоомжийг зөрчиж байна, Палестины нутаг дэвсгэрийг хууль бусаар эзлэн түрэмгийлэхээ Израйль нэн даруй зогсоох үүрэгтэй гэж дүгнэсэн юм гэжээ.