Дээр нь 1000 хүний багтаамжтай урлагийн цэнгэлдэх хүрээлэн, электрон тоглоомын өргөө, сайн дурын уран сайханчдын бэлтгэл сургуулилт хийх тайлбайнуудтай. Бас цаасан шувуу нисгэгч, утсан тоглоомын хорхойтнуудад зориулсан тусгай талбайнууд бий. "Олон улсын уран баримлын цэцэрлэгт хүрээлэн"-г жилээс жилд нэмж сайжруулан засварлана. Энэ жил гэхэд зүүн цэцэрлэгт Олимпийн наадамд зориулсан "Дэлхийн суутнуудын булан" байгуулагдсан байналээ. Нов ногоон дэнж дээр хүн төрөлхтний хөгжил дэвшилд гарамгай хувь нэмэр оруулсан дэлхийн суутнуудын цээж баримлуудыг хагас тойргоор байрлуулан доор нь нээлтүүдийнх нь талаар товч тайлбар хийсэн байна. Харин Олимпийн наадмыг үндэслэгч Пиер Де Коубертин-ий хөшөөг бусдаас арай томоор голд нь байрлуулсан байсан. Хоёр талаар нь сэтгэл зүйн шинжлэх ухааны эцэг Зигмунд Фрейд, Физикийн шинжлэх ухааныг үндэслэгч Альберт Энштэйн, грекийн суут сэтгэгч, гүн ухаантан Аристотоель нарын суутнуудын хөшөөнүүд байна.