Юйшүгийн газар хөдлөлтийн гамшгийн районы амьтны өвчин хижгээс сэргийлэх ажил бүх талаар эхэлж, эхний шатанд голдуу холбогдох орчин талбайг ариутгаж, амьтдын үхдэл сэгийг хайж олох зэрэг ажил хийж, дараагийн шатанд хижгийн байдлын хяналт шалгалтыг эрчимжүүлэн, хижгийн шалгалтыг хянан удирдах ажлыг цаашид чангатгах юм гэж Хятадын Хөдөө аж ахуйн яамны мал эмнэлгийн газрын дарга Ли Жиньшян 23-ны өдөр Бээжинд илэрхийлжээ.
Мөн өдрийн Төрийн зөвлөлийн хэвлэлийн бага хурал дээр Ли Жиньшян хэлэхдээ, 22-ны өдрийн байдлаар Хөдөө аж ахуйн яамнаас 20 мянга илүү хижгээс сэргийлэх бүх төрлийн эд бодисыг гамшгийн бүсэд хуваарилж, ноцтой өртсөн Жегү суурины амьтан малын үхдэл сэгийг халдваргүйжүүлэх ажлыг биелүүлсэн бөгөөд өнөө бусад гамшгийн бүс нутаг дахь ариутгах ба халдваргүйжүүлэх ажлыг өргөтгөж байна. Хөдөө аж ахуйн яамнаас мөн малын эмчилгээ, газар зүй, цаг уур зэргийн олон талын мэргэжилтнийг зохион байгуулж, гамшгийн бүс нутгийн амьтны хижиг үүсэх эрсдэлд анхны дүгнэлт хийж байна./Анар орчуулав/
Өдөр дутмын 
