Батболд хэлэхдээ, Монголын тал Хөхнуурын Юйшүгийн газар хөдлөлтийн районы 60 сурагчийг Монголд ирүүлж амруулахыг урьж байна гэжээ. Тэрээр хэлэхдээ, Монголын засгийн газар ард түмэн Хятад улсын Монголын эдийн засаг нийгмийн хөгжилд дэмжлэг туслалцаа үзүүлж байгаад баярлаж байна. Монгол Хятадын харилцааг Монголын тал дээд хэмжээнд хүндэтгэн үзэж, нэг Хятадын бодлого баримтлан, Хятадын засгийн газрын Тайвань, Төвдийн асуудлаарх байр суурийг эрс бат дэмжиж, Хятадын талтай дээд зиндааны хэлхээ холбоогоо нягт болгон, чухал чухал асуудлаарх хэлхээ холбоо яриа хэлэлцээгээ хэвээр байлгахад Монголын тал бэлэн байна. Хоёр орны чөлөөт худалдаан бүс байгуулах явц эртхэн ахицтай болохыг Монголын тал хүсэж байна. Хятадын аж ахуйн нэгжүүд Монгол хөрөнгө оруулалтаа нэмэгдүүлэн Монголын дэд бүтцийн байгуулалт, уул уурхай, эрчим хүчний эх баялгийг нээн ашиглах, банк санхүү, байгаль орчин экологийн салбар дахь хамтын ажиллагаагаа өргөтгөхийг хүсэж байна. Хятадын талтай зөвшилцөл зохицуулалтаа эрчимжүүлж, бүс нутгийн аюулгүй байдал, тогтвортой байдлыг хамгаалахад хувь нэмэр оруулахад бэлэн байна гэжээ.
Хэлэлцээний дараа хоёр орон боловсролын үнэмлэх, эрдмийн зэргийн гэрчилгээг харилцан хүлээн зөвшөөрөх, гаалийн асуудлаар хамтран ажиллах, банк санхүүгийн зээл олгох, уул уурхай, цөмийн эрчим хүч хөгжүүлэх зэрэг Хятад Монголын эдийн засаг техникийн хамтын ажиллагааны хэлэлцээр зэрэг 9 баримт бичигт гарын үсэг зуржээ. \Гэрэлт орчуулав\
1 2
Өдөр дутмын 
