"Хөгжилтэй аялал" холбоо тэмдэглэлийн эхний хэсэг...

     Та бидний зургаас нэг зүйлийг ажиглаж байна уу? Бүгд л гараа нэг зүгт өргөсөн байхыг... Үүнийг манай багийнхан л мэднэ. Ямартаа л өнөө багийнхан маань зураг бүхэн дээрээ гараа өргөөд байх юм, ямар учиртай юм бэ? гэж гайхаж байхав. Энэ бол бидний нууц гээд тэдэнд хэлээгүй нууцаа одоо танд дэлгэе. Энэ нь хаа газрын аялагчдын дунд гарч байдаг хөгжилтэй ярианаас үүдэлтэй юм. Манайхан: -Чука эгч хэр сэлдэг вэ? гэхэд, Мөнхөө: -Чука эгч сэлнэ гэж ёстой акул шүү дээ... гээд гараа сум хэлбэрээр өмнөө барьснаас үүссэн хэрэг л дээ. Нэг үгээр Чука эгч Акул шиг, бүр сум шиг л шумбадаг байх нээ дээ. хэ хэ хэ...

     Эхний үдшийг бид усанд орж чадалгүй тэнгисийн эрэг дээр өнгөрүүлсэн ч бидний дунд овсгоотой аялагч байсан. Түүнийг зоригтой ч гэж хэлж болох юм. Тэр бол манай орчуулагч-редактор Сайнаа. Хамгийн түрүүнд далайд умбаж, анхдагч болсон сүйхээтэй эр дээ.

Гэхдээ бусад нь далайд умбаагүй ч, үсрэхдээ хэр чадварлаг болохоо бас харуулаад авсан.