"Хөгжилтэй аялал" холбоо тэмдэглэлийн эхний хэсэг...

     Бид бас уран сэтгэмжит зураг авахуулахыг оролдсон. Биднийг гараараа зүрхэн хэлбэр үүсгэсэн байгааг та ажиглаж байна уу? Энэ бол "Хүмүүсээ, амьддаа бие биеэ хайрлацгаая" сэдэвт зураг юм. Энэ сэдвийг залуус дэмжин сайшааж бүр том зүрхэн хэлбэр үүсгэж зураг татуулсныг та харж байна. За тэгээд залуус л болсон хойно манай хэд Титаник киноны хөлөг онгоцны хошуун дээр гараа алдлан зогсдог хэсгийг үзүүлсэн. Энэчлэн өөр олон сонирхолтой уран санаа илэрхийлсэн зургуудыг та цааш нь хар даа...

     "Солонго" нэвтрүүлгийн редактор, нэвтрүүлэгч Алтаннавч, "Оюунтүлхүүр" нэвтрүүлгийн редактор Алтанхуар хоёр их найзууд. Хаа л бол хаа цугтаа явдаг тэднийг бид "хоёр алтан" гэдэг юм. "Хоёр алтан" нэрт бүсгүйчүүд элсээр бүтээсэн загасан сүүлт усан дагинатайгаа хамт байгаа нь...

     Далайн эрэг дээр очсон бүхэн элсэн баримал барьдаг нь ёс юм хойно бид ч бас өөр өөрийн хэр чадлаараа элсэн баримал хийсэн. Гэвч "хоёр алтан" бүсгүйн энэ бүтээл шалгарсан даа. Гоё болсон байна уу...?