Орох>>>

Тай юаний цзин си сvм

Цзинь си сvм нь Шань си мужийн Тай юань хотоос баруун ємнєшєє 25 километр зайтай оршдог Сюань вэн шань уулны бэлийн Цзинь шvй голын эхэнд байрладаг юм. Энэ бол Шань си мужийн тэргvvн зэргийн дурсгалт газар юм. Уулан дунд оршиж, усаар хvрээлvvлсэн энэ газар урт настай аварга модод шvхэрлэж, тvvний дундуур асар тагт, индэр тавцан, ордон харш, сvм дуган, гvvр дамжлага зэрэг зуу шахам барилга жигдрэн байршсан нь номин ногоон хамба хилэнгэн дээр тана сувд цацсан юм шиг vзэсгэлэнтэй сайхан харагддаг билээ. Энд дарь эхийн сvм, тємєр хvн, загастай намаг, дам нуруу нэртэй дуган, залхагын асар, єтлєшгvй булаг, Шv юйгийн сvм зэрэг байж, энэ дундаа Сvн улсын vеийн зарц охины будагтай баримал хєрєг, єтлєшгvй булаг, хvрээ арц, Сvй улсын vеийн хонгорцогт мод зэргийг Цзинь си сvмийн дєрвєн гайхамшиг гэдэг байна.

Цзин си сvм бол Чжєv улсын эхний vеийн Цзинь хэмээх Чжv хєv улсыг vндэслэн байгуулагч болох Чжєv улсын Чжєv v ван хааны хоёрдугаар хєвгvvн Шv юйг дурсгаж байгуулсан тахилгын сvм юм. Yvнийг умард Вэй улсын vеэс эхлэн байгуулж, хожим нь олон удаа засан сэлбэж, нvvлгэн шилжvvлж байжээ. Умард Сvн улсын vеийн Да шэнгийн онууд буюу 1023 оноос 1032 онуудад Шv юйг Фэний зvvн ван хэмээн нэхэн єргємжилсєн бєгєєд тvvний эх И Жянд зориулж дарь эхийн тахилгын дуган гэх сvм байгуулсан байлаа.